ENDEFR

EO

[postcasa size=xl bgcolor=ffffff align=center showcaptions=yes]http://picasaweb.google.com/data/feed/base/user/105231358572504861599/albumid/5711768656556993233?alt=rss&kind=photo&hl=en_US[/postcasa]

Bonvenon al mia nova hejmo en la interreto!  Mia nomo estas David Dougherty.  Mi ĵus rekreis mian retejon, kaj mi esperas ke vi ŝatas ĝian novan aspekton kaj novĝisdatigitan enhavon.

Bonvolu elekti el la opcioj en la menuo por lerni pli pri miaj agadoj kaj interesoj.  Vi povas legi la paĝojn en la angla, la franca, la germana, aŭ Esperanto.  Mi ankaŭ havas blogon, kaj mi blogas en ĉiuj de tiuj ĉi lingvoj kiel bezonata ankaŭ.

Mi estas registara dungito (mi laboras en servica centro por registaraj servicoj, kaj antaŭe mi ankaŭ laboris en la publikaj bibliotekoj), mondvojaĝanto (15 landoj ĝis nun, kaj intencas viziti pli da landoj), lingvo- kaj kultur-ŝatemulo, eks-lingva instruisto, kaj eks-fotoredaktisto.  Mi ankaŭ tre ŝatas uzi la interreton kaj teknologio, kaj mi ŝatas foti kaj foje ankaŭ krei kaj redakti vidbendojn.

Mia familio estas german-, irland-, kaj nederlanddevena (en tiu ordo), kaj mia nomo estas irlanda.  Mi naskiĝis en Vaŝingtono, DK kaj kreskiĝis en Marialando, tuj ekster Vaŝingtono, DK.  Mi ankoraŭ loĝas en antaŭurbo en Marialando.

Mi loĝis en Germanio dum unu jaro kiel studento, kaj mi ankaŭ loĝis dum tri jaroj en Japanio por labori kiel anglalingva intstruisto.  Mia denaska lingvo estas la angla, kaj mi flue regas la germanan.  Mi ankaŭ scipovas la francan kaj povas konversacii en la japana.  Mi ankaŭ flue regas la konstruitan lingvon Esperanton.  Mi ankaŭ povas legi kaj konversacii baznivele en la nederlanda.  Lastatempe mi lernis la armenan iometete.

Mi kore invitas vin legi miajn paĝojn kaj lerni pri miaj interesoj kaj spertoj en vojaĝado, kulturo, lingvoj, eksteraj lokoj en naturo, kaj teknologio.  Bonvolu kontakti min ankaŭ!  Vi povas diversmaniere atingi min.  Ankaŭ sekvu mian blogon kaj sociajn mediojn (mia Tvitero-fluo estas dekstre)!